ခြေချုပ်မိဖူးစာ

ခြေချုပ်မိ....ဖူးစာ

____________

(အက်ဆေး)

ဖူးစာကိုခဲခြစ်လိုက်တိုင်း "ကျေးဇူးတင်ပါသည်"..တဲ့။ဒီလိုနဲ့ ဝေးကွာခဲ့တာ မနက်ဖြန်ဆို တစ်ရက်တင်းတင်းပြည့်ပြီ..။မုသားစကားပြောရရင် မင်းကိုလွမ်းမနေဘူး..။ဇာတ်လမ်းအရ ဖြန့်ချထားတဲ့ ဆံနွယ်တွေရယ် ၊ ခပ်ဟဟရယ်တတ်တဲ့ နှုတ်ခမ်းတွေရယ် ၊မောင်းတင်ထားတဲ့ မျက်ဝန်းတစ်စုံရယ်..လတ်လတ်ဆတ်ဆတ်လက်သည်းဆိုးဆေးအနံ့ရယ်....ပြီးတော့ ကီမိုနိုဝမ်းဆက်ရယ်.....ဒါတွေသာမပါရင်အိပ်မက်ပါပဲ။ဖဿပစ္စယာ ဝေဒနာ...ဆိုပေမယ့် ကိုယ်ကိုယ်တိုင်က ဥပါဒါန်ကိုသွေးဆာနေခဲ့တာ..။

လမ်းကိုအလျားလိုက်ဖြတ်ကူးတိုင်း....ဂိမ်းဆော့နေတုန်းဖုန်းဝင်လာတိုင်း....ချက်ထားသမျှဟင်းတွေသိုးသွားတိုင်း....မန္တလေးသိန်းဇော်သီချင်းသံကြားတိုင်း....အလွမ်းဆိုတဲ့အပိုဒ်ကို အစအဆုံးပြန်ပြန်ဆိုမိပြန်ရော..။ဘယ်နေရာပဲရောက်ရောက်၊ဘယ်လောက်ပဲကြာကြာ၊ဘယ်လိုမှအသားမကျတာအထီးကျန်ခြင်းဆိုရင်...လမ်းလျှောက်တိုင်းဘယ်ဘက်လက်ဖဝါးက လွတ်,လွတ်နေလေရဲ့..။ထာဝရဆိုတာ ကတိမပျက်ပြယ်သေးတဲ့ ယာယီကာလတွေဆိုရင်...ခွဲခွာခဲ့တာ..ယာယီမဟုတ်ဘူးပေါ့..။မျှော်မနေသူနဲ့ ပြန်မလာသူရဲ့လက်သည်ဟာ...miss call တစ်ခုတစ်လေမှအဝင် အထွက်မရှိခဲ့တာပဲ။အတ္တဆိုတာ...တစ်ခွက်တည်း....ဒါပေမယ့် အက်စစ်တဲ့....။တစ်ရာသီစာစိမ်းလန်းဖို့ တစ်ကိုယ်စွတ်မိုးရေလေးနဲ့...ဘယ်လိုကျေနပ်ရမှာလဲ။

ပိယေဟိ ဝိပ္ပယောက္ခော ဒုက္ခော...တဲ့..။ဆန္ဒမပါဘဲ ခံစားရသမျှ ဒုက္ခတဲ့...(မင်းပြောခဲ့တာ)။မြစ်ကပင်လယ်ရဲ့လွတ်လပ်မှုကိုအားကျတယ်....ပင်လယ်ကမြစ်ရဲ့စီးဆင်းမှုကိုမနာလိုဘူး...။သူ့ဒုက္ခနဲ့သူ....အပူတွေကြားမှာ ထူးပြီးတော့ခံစားနေရတာကိုက ဘဝတဏှာတစ်ခုပဲလေ...။ပြန်မတွေးဖြစ်မယ့်ခေါင်းစဉ်တွေထဲမှာတော့...ဖူးစာရယ်...ဆုံနိုင်ခွင့်ရယ်...မင်းရယ်...ငါရယ်...အသွားအပြန်မရှိတဲ့ ခရီးတစ်ခုရယ်.....။(ဖုန်းတစ်လုံးဖြစ်ရင် ဒီဆော့ဝဲလ်တွေဖြုတ်ချပစ်ပါတယ်)။

နဖူးစာရွာလည်တယ်...တဲ့..။ဖြစ်နိုင်ရင် အဲဒီနဖူးစာကို နေအိမ်အကျယ်ချုပ်ချထားချင်တာ။ခုတော့....ဖူးစာကိုခဲခြစ်လိုက်တိုင်း "ကျေးဇူးတင်ပါသည်"..တဲ့။ဒီလိုနဲ့ ဝေးကွာခဲ့တာ မနက်ဖြန်ဆို တစ်ရက်တင်းတင်းပြည့်ပြီ..။

မင်းနေ

၂၂.၆.၂၀၁၅